Mustafa Zərir sadə və təbii dili ilə yanaşı, canlı və axıcı üslubu ilə də diqqəti çəkir. Mustafa Zərir “Siyərün-Nəbi” əsərinin dilinin lüğət tərkibinin əsas hissəsini Azərbaycan türk dili sözləri təşkil edir. Dilin lüğət tərkibinin leksik vahidləri yalnız assosativ məna əlaqələri ilə sıx bağlı olmayıb, eləcə də birbiri ilə zidd mənaların qarşılaşdırılması ilə də əlaqələnir. Bu baxımdan leksik kateqoriya kimi antonimlər bizi əhatə edən əşya və hadisələrin ziddiyyət və əksliklərini qarşılaşdırma yolu ilə dildə ifadəsi kimi qəbul oluna bilər. Mustafa Zəririn “Siyərün-Nəbi” tərcümə əsərində də antonimlərdən ekspressiv və emosional ifadə vasitələri kimi geniş istifadə olunmuşdur.
Mustafa Zərir, Leksik, Semantik, Antonim, Söz Qrupu, Mütləq Antonim, Nisbi Antonim