Məqalədə Ermənistanın işğal etdiyi Azərbaycan ərazilərində törətdiyi ekoloji terror, təbii sərvətlərin, faydalı qazıntıların qeyri-leqal istismarı, regionun və dünyanın ekoloji təhlükəsizliyinə ciddi xələl gətirən qanunsuz əməllər və ekosid cinayətləri araşdırılmışdır. Eyni zamanda, geosiyasi və beynəlxalq hüquqi nəticələr doğuran ciddi məsələlərdən biri kimi azərbaycanlı aktivistlərin, vətəndaş cəmiyyəti fəallarının Laçın-Xankəndi yolunda erməni ekoloji terroruna və ermənilərin ekosid cinayətlərinə qarşı etiraz aksiyasına da diqqət yetirilir. Sonda belə nəticəyə gəlinir ki, Ermənistanın bütün ekoloji cinayətləri, o cümlədən ekosid cinayəti nəinki Azərbaycanın, bütövlükdə Cənubi Qafqaz regionunun və Avrasiya məkanının ekoloji tarazlığının əhəmiyyətli dərəcədə pozulması ilə nəticələnmişdir.
Açar sözlər: ekosid, ekoloji terror, Ermənistanın ekoloji cinayətləri, beynəlxalq hüquqi məsuliyyət